Şüa-diaqnostika

ÜMUMİ MƏLUMAT

Şüa diaqnostika – özündə kompleks diaqnostik müayinələri birləşdirən tibbin bir sahəsidir. Bu müayinələr damar, sümük, yumşaq toxuma, beyin və s. daxili orqanların vəziyyəti, funksiyası haqqında ətraflı məlumat əldə etməyə imkan yaradır. Hazırda Şüa diaqnostika şöbəsinin yüksək ixtisaslı mütəxəssisləri aşağıda göstərilən xidmətlər üzrə peşəkar səviyyədə geniş müayinələr edirlər:

Xidmətlər

  1. 64 slice KT

  2. Digital rentgen

  3. Portabl rentgen

  4. 4ədəd USM

  5. Qastroskopiya

  6. Kolonoskopiya

Rentgen müayinəsi

Rentgenoqrafiya ağciyər xəstəliklərinin rutin müayinəsidir. Bu cihaz vasitəsi ilə böyük ölçülü rentgen şəkillər əldə etmək olur. Bundan başqa sınıqlar və çatların aşkar edilməsində, həmçinin onurğanın müxtəlif nahiyələrinin degenerativ dəyişikliklərinin, destruktiv ya da litik törəmələrin aşkar edilməsində istifadə olunur. Eyni zamanda anadangəlmə skelet patologiyalarında geniş tətbiq olunur.

Rentgenoskopiya ilə aşağıdakı diaqnostik tədqiqatlar aparılır:

  1. Qida borusu, mədə, 12 barmaq bağırsaq müayinəsi

  2. Farinqo-ezofaqoqrafiya

  3. Fistuloqrafiya

  4. Sistoqrafiya

  5. Uretroqrafiya

  6. Histerosalpinqoqrafiya və s

Kompüter tomoqrafiya (KT)

Kompüter tomoqrafiyası müasir diaqnostika üsullardan biri olan və bir çox xəstəliklərin aşkara çıxarılmasında mühüm rol oynayır. Bu üsul vasitəsi ilə baş beyin, döş qəfəsi, bel-oma nahiyəsi, qarın boşluğu və çanaq orqanları, həmçinin sümüklərdə baş verən sınıqları, destruktiv dəyişiklikləri və digər sümük patologiyalarını müəyyən etmək olur. Üstünlüklər – minimal şüalanma, xəstənin tez bir zamanda müayinə olunması, keyfiyyətli və aydın görüntülərin əldə olunması.

  1. Travmalar (kəllə-beyin, döş qəfəsi, abdominal)

  2. Kəskin qansızmalar

  3. Ağ ciyər patologiyası

  4. Mədə-bağırsaq sistemin patologiyası

  5. Öd kisəsi, böyrək, sidik kisəsi daşları

  6. Paranazal sinusların patologiyası (sinuitlər və s.)

  7. Gicgah sümüklərin patologiyası

  8. Sümüklərin patologiyası

  9. Törəmələr ( şişlər, kistalar və s.)

  10. İltihabi proseslər

  11. Orqanların struktur dəyişiklikləri

  12. Limfa düyünlərinin zədələnmələri

  13. Boşluqlarda maye yığıntıları

  14. Magistral damarların genişlənmələri, daralmaları

  15. Beyinin damar patologiyaları (insultlar, qansızmalar, anevrizmalar və s.)

Ultrasəs və rəngli Doppler müayinəsi

Ultrasəs diaqnostika (USM) – müasir diaqnostika üsulları sırasında ən dəqiqidir və insanın bütün orqanlarının yüksək səviyyədə ultrasəs və doppleroqrafiya müayinələrin aparılması üçün imkan yaradılır. 4D - 5D Rəngli Ultrasəs Müayinə Cihazı Samsung Hevaw-10 ( 4D-5D ) “Samsung” firmasının cihazıdır. Bu cihazla orqanların keyfiyyətli rəngli şəklini və video görüntülərini almaq mümkündür.

Ultrasəs dalğalarına və Doppler effektinə əsaslanan bu müayinə ilə:

Qarın boşluğunda yerləşən parenximatoz orqanların, qadınlarda kiçik çanaq orqanlarının, eləcə də hamiləliyin, Urologiya və Andrologiyada (böyrək, sidik kisəsi, sidik yollarının, pediatriyada (transfontanel beyin, bud-çanaq və s.); damarların (ekstrakranial, periferik və s.) patologiyaları araşdırılır. Cihazın köməyi ilə həmçinin bütün damarların Rəngli Doppler müayinəsi aparılır. Bu metodla orqanlardakı qan axını dəyişiklikləri, bədxassəli toxumaların qan xüsusiyyətləri, ürək-damar xəstəlikləri araşdırılır.

Rəngli Doppler müayinəsi

  1. Hamiləlik təqibində uşağın və ananın risk altında olub olmadığının dəyərləndirilməsində

  2. Yüksək təzyiqin böyrək mənşəli olub olmadığının araşdırılmasında

  3. Qara ciyər sirrozunda xəstəlik haqqında detalların aşkarlanması

  4. Beyinə qan daşıyan böyük damarların daralmalarında və trombların aşkarlanmasında

  5. Qol və ayaqdakı damar xəstəliklərinin və başqa xəstəliklərin aşkarlanmasında istifadə olunur

Bizimlə əlaqəyə keçin