International Medical Centre2 klinikası 26 noyabr 2010-cu ildən fəaliyyət göstərir. Klinikada ümumi cərrahi əməliyyatların açıq və laporoskopik metodla aparılması, hamiləliyin təqibi (riskli hamiləliklər), ginekoloji əməliyyatların yüksək şəkildə müayinə və müalicəsi həyata keçirilir.

Ümumi Cərrahiyyə şöbəsində mədə-bağırsaq, qaraciyər, öd kisəsi və öd yolları, hər cür abdominal endokrin açıq və laporoskopik cərrahiyyə əməliyyatları uğurla yerinə yetirilir.

Yenidoğulmuşların Reanimasiyası və İntensiv Terapiya şöbəsi ən qabaqcıl tibbi avadanlıq və ləvazimatlarla təchiz olunub. Burada bütün tibbi xidmətlər beynəlxalq səviyyədə təhsil alan təcrübəli mütəxəssislər tərəfindən göstərilir.

Nevrologiya şöbəsində nevroloji xəstəliklərin müalicəsi peşəkar həkim heyəti tərəfindən icra edilir.

Ortopediya və Travmatologiya şöbəsində oynaq, sümük xəstəliklərinin müalicəsi və əməliyyatları uğurlu şəkildə həyata keçirilir.

Endoskopiya şöbəsində mədə-bağırsaq, FQDS, bronxoskopiya, kolonoskopiya və s. kimi müayinələr aparılır.

Plastik, Estetik və Rekonstruktiv Cərrahiyyə şöbəsində hər növ plastik və rekonstruktiv əməliyyatlar, liposaksiya, abdomenoplastika və digər əməliyyatlar həyata keçirilir.

Endokrinoloji şöbəsində qalxanabənzər vəzi xəstəlikləri, hipofiz xəstəlikləri, paratiroid xəstəlikləri, mədəaltı vəzi xəstəlikləri, böyrəküstü vəzi xəstəlikləri, tüklənmə - hirsutizm və s. xəstəliklər müalicə olunur.

Klinikanın Radioloji şöbəsində KT, 4D - 5D Doppler USM, Digital rentgen vasitəsi ilə diaqnostika aparılır.

Laboratoriyamızda 24 saat ərzində müasir cihazlar vasitəsi ilə hər növ analizlər həyata keçirilir.