İnternational Medical Centre 2 klinikası 26 noyabr 2010 ildən tibbi fəaliyyətə başlamışdır.

İnternational Medical Centre 2 mərkəzində ümumi cərrahi əməliyyatlar açıq və laporoskopik, hamiləlik təqibi (o cümlədən riskli hamiləliklərin təqibi), ginekoloji əməliyyatlar, belə əməliyyatlardan sonra yarana bilən mümkün fəsadların hərtərəfli müalicəsi aparılır.

Ümumi Cərrahiyyə şöbəsində mədə-bağırsaq, qaraciyər, öd kisəsi və öd yolları, hər cür abdomen endokrin açıq və laporoskopik cərrahiyyə əməliyyatları aparılır.

Yenidoğulmuşların Reanimasiyası və İntensiv Terapiya şöbəsi ən qabaqcıl tibbi avadanlıq və ləvazimatlarla təchiz olunmuşdur. Burada yüksək səviyyəli təhsil almış və çalışmış təcrübəli mütəxəssislər tərəfindən xidmət göstərilir.

Nevrologiya şöbəsində nevroloji xəstəliklər müalicə olunmaqdadır.

Ortopediya və Travmatologiya bölümündə oynaq, sümük xəstəliklərinin müalicəsi və əməliyyatları olunur.

Endoskopiya şöbəsində mədə-bağırsaq, FQDS, bronxoskopiya, kolonoskopiya və s. kimi müayinələr aparılır.

Plastik, Estetik və Rekonstruktiv Cərrahiyyə bölümündə hər növ plastik və rekonstruktiv əməliyyatlar, liposaksiya, abdomenoplastika və digər əməliyyatlar həyata keçirilir.

Endokrinoloji bölümdə qalxanabənzər vəzi xəstəlikləri, hipofiz xəstəlikləri, paratiroid xəstəlikləri, mədəaltı vəzi xəstəlikləri, böyrəküstü vəzi xəstəlikləri, tüklənmə - hirsutizm və s. xəstəliklər müalicə olunur.

Klinikanın Radioloji şöbəsində KT, 4D - 5D Doppler USM, Digital rentgen vasitəsi ilə diaqnostika aparılır.

Laboratoriyamızda 24 saat ərzində müasir cihazlar vasitəsi ilə hər növ analizlər aparılır.